منتديات ألوان الحياه

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
((لون حياتك معنا))

منتديات ألوان الحياه

أهاً وسهلاً بك يآ (زائر آخر عضو مسجل هو (khadija oubadi
 
الرئيسيةالتسجيلمكتبة الصورس .و .جبحـثالأعضاءالمجموعاتدخولالتسجيل

شاطر | 
 

 محـــــــآآآآورهـ _ شعريـــ.هـ بين السامر و الامير خالد الفيصل و الامير بدر عبد المحسن

اذهب الى الأسفل 
كاتب الموضوعرسالة
وجدان
..:: عضو ذهبي ::..
..:: عضو ذهبي ::..
avatar

المزآج : فله
عدد المساهمات : 340

مُساهمةموضوع: محـــــــآآآآورهـ _ شعريـــ.هـ بين السامر و الامير خالد الفيصل و الامير بدر عبد المحسن    الأربعاء يوليو 27, 2011 2:52 am

السلام

-_-_ -_-_
محــــــــــــآآآآآآآآآآآآآورة شعريــ.هـ بين الســـآمر و الاميــــــــــــر فيصل بن خالد و الاميــــــــــــر بدر عبد المحسن ||\\||

نبــــــــــــــــــــــــــــــــــــدآ |=|


يقول السامر

الـدار لـي كـدرت صـافـي مـشـــاربــهـــــــا
مــاقــــادنـي يـــمـــهــــا شـــــفٍ .. ولا راده

أشـوم عـنـهـا واخـلـيـهـا .. واجـنـبـــهــــــــا
الـذيــب يـبــخـــص مــصــاديــره ومـيــراده

الـعـيــن مـاتـبــكــي الا مـن سـبــايـبــهــــــا
الــوقــت غــــــلاب .!. والـعـربـان نـقـــــاده

سـود الـلـيـالــي كثــيـراتٍ عـجــايـبــهـــــــا
تــضـحـك عـيـال الـخدم وتـزعـل الـســاده

يـاعـل ربــي .. يـعـديـنـي مـصــايــبــهـــــــا
مـن مـاجـرى لـلــعــرب مـاهـيــب نـشــــاده

احــدٍ يـصــدق لـهـا واحـدٍ يـكـذبـــهــــــــا
وابن الرخم .. يحتفل في عـيـد مـيــــلاده

أعـز نـفـسـي .. واعـزيــهــا .. واعــاتـبـهــــا
وكـثـر الـمجامـل تـرى مـاهـيـب لـي عــاده

إن كــان نـفـس الـولـد نـالـت مـطـالـبـهـا
والا قـعـد .. مـقـعـد الـحـقــران .. مـقــعـــــاده

كـل الـخـلايـق .. لـهـا ربٍ يحاسـبـهـــــــا
والـلـي تـمـنـى .!. كـثـيـر امـنــاه مـافــــــاده

الـلـي يعـمـر بـهـا .. واللـي يـخـربـهــــــــا
والـلي يواعـد .. ولا يــصـدق .. بميعــــاده

ارض الـلـه الـنـاس تـسـعى في مناكـبـهـا
كــلٍ بـفـالــه .. بـمـصــــداره .. ومـســـنــاده

بـعـض الـرجـاجـــيل لو تـنــتف شـواربها
إن كان راســه يـخـلـي الــــزود .. ومـنــاده

يمـنـى تـقـصـر عـلى المـاجـوب مـقبلـهــا
تـسـتـاهـل الـلـوم .. دوم الـدوم وزيــــــاده


عبدالعزيز بن سعود بن محمد آل سعود "" السامــــر ""


* ******************

رد سمو الامير خالد الفيصل في قصيده السامر

الدار ياشيخ دار الخيـر عـشــت ابهـــــا
ولا خيـر بالشـيـــخ كانــه يـجــحــد بــــــلاده

ديرة هل الجود والمعروف همت ابها
دارٍ لـنــا فــي ثـراهـــا عــــز .. وســـيــــــــاده

لا صـــدرت كـــل دارٍ عـــن مـشـاربـهـــا
لـي ديــرةٍ دوم .. هــي لـلخيـــر .. وراده

هـجـيـتـهـا ! وانـت يـالـغــادي تـحسبهـا
تــدور رضـــاك .. لا مـاهـيـــب نـشـــــــــاده

ماهمـهــا وان ظـهــر سـاقــط يـعـذربـهـا
الـذيـب مـايـلـتـفـت .. لنـعـــاج مـنـقـــــاده

واداري الـلـي كـثـيـر الـحـقــد متـعـبهــا
تـنـقـّـضــي حـاسـدك مـارتـاح بـسـهـــــــاده

عـيـنـه كثـيـر الـحسـد والـحقـد سـالبـهـــا
مـلــذة الـنــوم يـالـلـه عـجــل .. ابـعــــاده

بـعـض الـعـرب مـطـلـبـه ثـروة يـحسبـهــا
يـهـيـم فـيـهـا … ويـتـلـــذذ بـهــا افــــــواده

الـمـرجـلـة ماتـجي بـامـوال يـجـلـبـهـــا
روس الـرجـاجـيـل .. مـاتـشــرى بكم مـاده

افـعـال يـمنـاك .. يالـمغـبـون حـاك ابهـا
وبطيـب فعلـك .. يقـوم البـيـت واعـمــاده

وافـعـال جـدك وابـوك اليـوم مـارابـهـــا
افـعـالـهــم يـاولــد .. لــديـــاري قــــــــلاده

ربـعــك رجـالٍ مـعـربــةٍ .. مـنـاســبــهـــــا
عـزوة ملكـهـم .. وهم في الشـدة اسنـــاده

يالـســامـر الـدار حــدك .. لاتــقــربــهــــــا
دار الـشــريـعــة .. لـهــا تاريــخ .. وريـــــاده


خالد الفيصل دايم السيف


**************************


رد سمو الامير بدر بن عبد المحسن

الجاهل اللي عزيز الدار بار ابها
واضحى بها يوم كلٍ عزه ابــــلاده

لو راح عنها .. وخلاها وجنبها
لا مادرت من مراويحه .. ومقعـــاده

وش قيمتك عندها يومك تحاسبها
ماهيب قمريةٍ بالصـوت .. نشـــاده

اذلف عن الدار حذرا لاتقربهــا
ترى الجمل راحته .. في ذيبـة اقـراده

الشمس ماهمها خبـلٍ يقاضبهـا
تعمي عيونه .. وشـمس الكون وقـاده

والدار دار الذي يرفع مراتبـهـا
اللي يسـرج لعز الديــرة جيــــــاده

عشنا فقرها وعشنا في طوايبهـا
ماغير الوقت .. حب الشيخ واجـداده

دارٍ عطتك اسمها ياكيف خنت ابها
واعزنا للوطن .. كانك من الســـــاده

ياوالله اللي تورط في مصايبهــا
بيت الوصل هدمـه .. وحمـاه وعماده

ألبس لنفسـه ثيابٍ من مغايبهـــا
اسمه نساه ونسى التاريخ وامـجـــــاده

مـر بطيـورٍ على هذاك يجلبهــا
مثل الشريطي .. ثمنها غـايـة امـــــراده

ومـرٍ قصايـد لعيـن المال يكتبهـا
يرجي عسـى شرهتـه تاتيـه .. بزيـــاده

ياحيف كيف الـردي يرضاه شايبها
إن كان ورعانـهـا .. للعـيب طـــراده


بدر بن عبدالمحسن

**********************************

رد السامر على سمو الامير بدر وخالد الفيصل

ايامي العوج تدحمني مناكبــــــهـــا
وانــا خيــامــي ... عــلـى المـيــراد وراده

ونفسي من العز عسراتٍ مطالبهـــــــا
مـااريــد شـــيءٍ ولــــي الــعـــرش مــاراده

والبندق اللي ترجّـفنـا بعاقبـهـــــــــا
عنـهـا تــرانـا ... مــدى الايـــام نــشــــــاده

اللي علينا ذلـول الغيـض ... يشعبهـا
تشتـيـــت شـمـل القـرايـب ... غاية امراده

مـزور السالفة ؟ مخـطٍ مــواجــبــهــــا
يفسـر احـــلام خـلـق الله علــــى احقــــاده

لو انهـا ياعــرب .. مـلـسٍ ؟ مقاضبهـا
إن مااستـوت ... زادهـا من راسه زيــــاده

الهـرجـة اللي مسـولفها يعـاب ابـهـا
حـنـا علـيــهــا ... مـن الـعـربـــان نــقـــــــاده

مـحـبـة الـدار حنـا اللي نفـوز ابهــــــا
ونـحـب اهلنـــا ... هل الطولات والعــــاده

قصـايدي في فهـد مولاي .. كاتبهــــا
فـهـد الجـزيـرة ... فهـدنـا ... سيـد الســـاده

واهـدي طيـورٍ علـى سلطـان جايبهـا
من مـاكــرٍ ... مـايـخـيــب ظــــن هــــــدّاده

الـدار ماصـه ومكتـب ... يـامـعـزبهـــا
فيـهـا غـشـيــمٍ ... عـلـيــنـا .. طـايـلٍ مــــــاده

مكاتبـه حالـفٍ لابعــد ... واجـنـبهــــا
هـام الــردا .. فـي مـواجـيــبــي ولا كـــاده

ماهـيب دارٍ مدى عمـري ربيت ابهــــا
مانيـــب خـبــلٍ .. بكـفـه يـجــرح افـــــواده

والـزمـل فالقيــظ ماتنســى ؟ مشاربهـا
كـم واحــدٍ شــابـكٍ لـلـطــــيـر ؟ مـاصـــــاده

والغيـمـة اللي نشـوف البرق ناض ابهــا
يـالـلـه عـســاهـا علــى الـصـــمــان مـنـقــاده

تـرعـى بهـا اللي يشـوقك طـول غاربهـا
وضــحــاً علـيهـا ( مـطـقّــع ) يـقـدح زنــــاده


" عبدالعزيز بن سعود بن محمد آل سعود " الســـامــر



~~<> ~~<> اتمـــــــــــــــــــــــنى تكـــــــــــــــــــــــــون نالت اعجآآآآآآآآآآآآآبكـــــــــــــــــم ~~<> ~~<>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وجدان
..:: عضو ذهبي ::..
..:: عضو ذهبي ::..
avatar

المزآج : فله
عدد المساهمات : 340

مُساهمةموضوع: رد: محـــــــآآآآورهـ _ شعريـــ.هـ بين السامر و الامير خالد الفيصل و الامير بدر عبد المحسن    الأربعاء يوليو 27, 2011 2:54 am

منتـــــــــــــــــــــــظرررة ردوودكــــــــــــــــــــــــــــم ؛؛_( ؛؛_(
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اشجان
..:: عضو مآسي ::..
..:: عضو مآسي ::..
avatar

المزآج : msn
عدد المساهمات : 614
العمر : 20

مُساهمةموضوع: رد: محـــــــآآآآورهـ _ شعريـــ.هـ بين السامر و الامير خالد الفيصل و الامير بدر عبد المحسن    الأحد أغسطس 07, 2011 6:59 am

كوووووووووووووووووووووووووول
يسلموووووووووو قلبو وجدان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وجدان
..:: عضو ذهبي ::..
..:: عضو ذهبي ::..
avatar

المزآج : فله
عدد المساهمات : 340

مُساهمةموضوع: رد: محـــــــآآآآورهـ _ شعريـــ.هـ بين السامر و الامير خالد الفيصل و الامير بدر عبد المحسن    الأربعاء أغسطس 31, 2011 8:21 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وجدان
..:: عضو ذهبي ::..
..:: عضو ذهبي ::..
avatar

المزآج : فله
عدد المساهمات : 340

مُساهمةموضوع: رد: محـــــــآآآآورهـ _ شعريـــ.هـ بين السامر و الامير خالد الفيصل و الامير بدر عبد المحسن    الأربعاء أغسطس 31, 2011 8:22 am

يسلموو على المرووووووووووووووور

منوووووووووووووووووووووووووووورة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
محـــــــآآآآورهـ _ شعريـــ.هـ بين السامر و الامير خالد الفيصل و الامير بدر عبد المحسن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ألوان الحياه :: المواضيع العامه والنقاشات :: ஐ الشعر والشعرآء منتدى للقصيد ஐ-
انتقل الى: